早前在《殘酷一叮》中，一邊唱陳奕迅《打得火熱》，一邊扯開上衣露出心形貼紙的「胸心大少」陳嘉行，原來是王賢誌的舊同學。陳嘉行對娛樂圈工作深感興趣，獲得翻叮機會的他，將出盡奇謀，務求再一次出位。
楊千嬅早前擔任《殘酷一叮》評判時，一見「胸心大少」陳嘉行的騎呢表現，笑到眼水直標。而陳嘉行亦因為成功出位而獲得「翻叮」機會，與其他「翻叮」參賽者比拼。不說不知，原來陳嘉行是王賢誌拔萃小學和中學時期的同學，今次陳嘉行的出位表現，王賢誌亦有給予意見。
王賢誌說：「佢中學後移民咗去加拿大，早排佢返香港打電話畀我，話參加咗《殘酷一叮》，我知佢一向好玩得，好有表演慾，曾經係學校合唱團成員，由於呢個比賽係要畀到大家娛樂同開心，唔係一般歌唱比賽，所以就同佢度咗貼紙呢part，估唔到出嚟反應咁好！近日有人搵我返內地做司儀，我就搵埋佢唱歌表演，現場觀眾反應好好，佢重收到好多花㖭。」
現年三十四歲的陳嘉行，現實中一點也不騎呢，他畢業於美國大學，修讀日文和會計，畢業後在溫哥華自資做琴譜生意，每半年左右返港一次。
醉心娛樂事業的陳嘉行，曾在無綫劇集《足秤老婆八両夫》和亞視《美麗傳說II》中當過臨記，陳嘉行說：「有機會我都好想入呢行玩吓，嚟緊我有機會接受翻叮，我會度啲出位啲嘅橋，希望可以成為香港版嘅WilliamHung（孔慶翔）啦！」
採訪：戴彩煥
