冷面笑匠許冠文將於本月三十日及五月一日在紅磡體育館舉行「盈科保險許冠文鬼馬TalkShow2005」，許冠文昨日在太太及女兒陪同下，於都會海逸酒店舉行記者會。今次許冠文邀請了女兒、許冠英及許冠傑兩個兒子任表演嘉賓，但不會邀請歌神許冠傑，許冠文解釋說：「我諗住叫埋佢，但係佢太靚仔，驚佢搶晒風頭，有佢唱歌可能冇人睇我。」
許冠文透露，棟篤笑分兩大主題，分別是探討香港政治的未來路向及他如何維繫三十多年的婚姻，他笑說：「原先一半題材圍繞董建華，佢突然走咗，寫定嘅料都冇用，不過我會請佢睇，佢其實私下都好有幽默感。」許冠文笑謂亦會考慮以近日文雋與徐小明的金像獎風波為題材。