袁詠儀前晚往灣仔出席鑽飾活動，她身穿價值約七百八十萬港元的鑽石裙子擔任嘉賓模特兒，更大呼緊張，恍如回到選美年代。靚靚透露擁有最貴重的鑽石重兩卡，問到將來婚戒是否要重逾兩卡，她笑言嫁得出已很開心，不介意卡數。
袁詠儀（靚靚）、江欣慈和盧巧音等前晚往灣仔出席由JustDiamond舉行的「心醉神迷鑽石盛會」活動，靚靚穿上價值一百萬美元（約七百八十萬港元）的鑽石裙子以嘉賓模特兒身份行騷，並獲大會送贈一條價值五十萬元的鑽石頸鏈。
靚靚表示行騷心情十分緊張，她說：「條裙嘅價錢已經貴過我份保險，重要着住對四吋嘅高跟鞋，裙線重試過勾住對鞋。我講笑同大會講如果我跌親唔使扶我啦，我識擺番個靚甫士執生嘅，行騷前我喺後台重請教周汶錡點樣可以行得靚啲，佢話要挺胸同騷玉背時要回頭，但係我一出台已經緊張到乜嘢都唔記得晒，震到好似選美嗰時咁。」
問靚靚擁有最貴的鑽石有多重？她說：「我最貴嗰粒鑽石重兩卡，有證書嘅，值二十五萬，𠵱家擺咗喺保險箱。」問她將來男友張智霖向她求婚，戒指是否要重逾兩卡？她即笑說：「聽到（求婚）都開心啦，都等咗咁多年，幾多卡都冇所謂啦。」
靚靚表示早前在家觀看香港電影金像獎頒獎禮，對爾冬陞獲「最佳導演」獎兼快將結婚，戥對方開心，她說：「一睇佢嘅年紀同身形都似快結婚啦，我重keep得咁好，好似好有market咁。」
此外，江欣慈表示最愛古董款式的東西，由首飾、燈飾到睡衣都有收藏，她說：「我有時發起癲嚟都會喺屋企着住件古董睡衣影相㗎。」
採訪：JessicaNgan
攝影：EdwardChou
