無綫劇集《人間蒸發》由苗僑偉、米雪、吳美珩、廖碧兒和馬國明等主演，因為不少人都認為劇名不吉利，故早前曾改為《緣來是你》，昨日眾演員出席開鏡拜神儀式時，卻將劇名改回《人間蒸發》，監製張乾文解釋說：「套劇未出街，一直都係用暫名，咁《人間蒸發》係暫名，《緣來是你》又係暫名，不如用番之前嗰個。」
有份參演《人》劇的苗喬偉和吳美珩亦覺得劇名有點邪，吳美珩三星期前更曾撞車，她說：「嗰日我要揸車，咁啱見到三哥（苗僑偉），點知我突然踩唔到break，剎唔到掣，撞咗上石壆，成個車頭爛晒，好彩我冇事，不過我覺得唔關個劇名事。」苗僑偉則說：「嗰日好彩佢扭軚扭得快，如果唔係撞埋我度，我都覺得唔關個劇名事，不過改名好似好啲，個名好似好邪。」
廖碧兒不相信劇名不吉利，但三個星期前拍劇時被人誤用球棍打傷，她說：「嗰日我係做差人放蛇，後來同人發生爭執，俾支球棍撞到個上唇，當時冇冰袋，我就用凍奶代替敷住個嘴，繼續再拍，點知兩日後就開始腫，成個上唇變紫色，咁我咪搽埋紫色唇彩囉！」
採訪：楊潔雯
攝影：仇志中