本欄是勞工處與《蘋果日報》合辦，逢星期四刊出，旨在為勞資雙方解釋有關僱傭問題，如有任何疑問，可致電勞工處熱線：27171771查詢，此熱線會由「1823政府熱線」職員接聽。
榮仔：嘩！外邊落大雨呀！唉，一陣落街返工實變落湯雞！
B女：聽講晏些少天文台重可能會掛黑色暴雨訊號㖭！你陣間要小心啲呀，榮哥！
榮仔：咁又唔怕嘅，放心啦！
B女：唔擔心就假，你唔好唔記得你喺戶外工作㗎，危險吖嘛！
榮仔：唔驚！事關老闆一早已經同我哋訂明咗颱風或者暴雨警告之下嘅工作安排，如果晏啲真係掛黑色暴雨訊號，我哋成班同事就會依照安排返寫字樓，所以我哋好安全㗎。
B女：咁我都安心啲！個工作安排重有冇其他嘢？
榮仔：梗係有啦！譬如話邊個同事喺點樣嘅天氣情況下唔使返工或者復工。如果有同事必須要當值，公司又提供啲特別嘅安全措施、交通安排或者津貼等等，好全面㗎！
B女：咦！我間公司好似未有訂明呢樣嘢喎，點算呢？
榮仔：B女！我要出門口喇，你寫字樓附近咪有間勞工處勞資關係科辦事處嘅，不如你自己上去攞本「颱風或暴雨警告下的工作守則」，然後畀你老闆睇吓啦！
B女：OK！
市民可前往勞資關係科各分區辦事處，索取「颱風或暴雨警告下的工作守則」，另外亦可以在勞工處網頁www.labour.gov.hk下載。
資料提供：勞工處勞資協商促進科
服務熱線
電話：29908288
傳真：23702192
電郵：[email protected]