中文大學計劃成立香港第三間法律學院，雖然受到「老大哥」香港大學法律學院嘅反對，但係中大一於好少理，默默做籌備工夫，噚日終於宣布正式成立法律學院執行委員會，重請到兩位重量級人馬坐鎮，其中曾經出任首席大法官同行政會議成員嘅楊鐵樑爵士係委員會主席，而香港證券及期貨事務監察委員會前主席梁定邦就係副主席，兩人會聯同中大副校長廖柏偉推行中大法律學院嘅策劃工作，鐵定出年就會招收首批學生。
本來多一間法律學院，為香港同內地培養法治人才係好事，但係有中大同港大醫學院明爭暗鬥嘅前車之鑑，希望兩大法律學院日後可以多啲良性競爭同合作啦。
傳真︰2623-9278
電郵︰[email protected]