八方翻開香港小輪嘅年報，就係為咗搵吓早排因為西九事件，而引起爭論嘅房屋署前副署長鍾麗幗（圖），究意有幾多人工。不過新例只要求董事要披露薪酬，而鍾只係公司嘅業務發展總監，所以冇具名披露，但仍有一啲蛛絲馬迹。
因為年報會披露最高薪嘅五個僱員嘅薪酬範圍，而鍾小姐喺高層僱員中排名第二，亦係唯一女性，睇落最似嘅係年薪一百萬至一百五十萬元呢個類別，但係舊年佢喺四月至返工，即係只做咗九個月，所以全年計分分鐘唔只一百五十萬，可能高達二百萬，以佢以前大約月薪十六萬計，新工嘅人工同做公務員差唔多。不過，今次因為西九事件俾議員將軍，唔知夠唔夠買驚風散呢？
傳真︰2623-9278
電郵︰[email protected]