周麗淇、方力申、關心妍和吳日言等，昨日齊到奧海城出席「耆英饑饉8小時」記者會，吸引逾百名途人圍觀，而眾歌手在台上表演絕技時，𠱁得台下的老人家十分開心。
周麗淇昨日在現場表演踢腿，功架十足，她笑說：「我之前拍咗套要打嘅劇集，加上自己都幾鍾意吊威吔，雖然好多女仔都唔鍾意打片嫌辛苦，而且又會損手爛腳，但係我就覺得好好玩，亦都唔抗拒拍打片。」
而吳日言透露早前到台灣旅行時，首嘗浸溫泉的滋味，不過卻鬧出不少笑話，她說：「我喺房入面浸溫泉，因為未浸過，所以一浸就浸咗成二十分鐘，搞到頭暈暈，成身郁唔到，最後要由我朋友扶番我上床㖭，後尾我先知若果浸咁耐，就會有機會得到溫泉癲癇症。」
採訪、攝影：駱華齡
