Evisu首間專門店巨M金銀牛打頭陣

幾個月都唔洗，都係為咗幾條貓鬚、一條殘舊Feel的牛仔褲。但真正玩懷舊玩到終極的牛記，相信非日本牛王Evisu莫屬！採用舊式織布機、舊式製作，講究染色與洗水效果，就算過千元一條，十多年來一樣大受牛迷歡迎。等到頸都長，香港首間Evisu專門店終於開幕，重有超罕限量版登場，Fans必儲！

記者：梁珮瑜　攝影：楊錦文
模特兒：Jennifer&Eduard@StarzPeople
化妝：[email protected]
髮型：[email protected]

千呎專門店　古典新裝混合體

位於IFCMall的全港首間Evisu專門店約有1,200平方呎，跟足日本店以紅、黑色調為主，款式更齊。而巴黎古董吊燈配清朝酸枝家具，設計獨特兼Vintage感十足！

■店內至搶眼係正中的古董吊燈及招牌笑面財神的紅地氈。

■新店設計以紅、黑色為主，跟足日本店！

■新推出的Kizzu童裝系列，坐鎮超大酸枝椅上。

日本牛王明星捧場

日本牛王Evisu一直都有勁多明星捧場，如AliciaKeys、Beyonce、Madonna、碧咸夫婦及本港的陳奕迅、鄭中基、2R等。Evisu在日本有25間專門店，在巴黎、美、英、澳及香港等地，更有400多個售賣點！

■言承旭遊日本或拍戲都係着住Evisu。

■陳奕迅早幾年已經常着Evisu牛仔褲。

■潮人李燦森一早已力捧Evisu。

■栢芝都係忠實擁躉，除牛仔褲，Evisu配件都係心頭好。

Evisu牛王解碼：

稱得牛王，Evisu用料到製作都極講究。品牌由愛好Vintage牛仔褲的裁縫HidehikoYamane（山根英彥）於91年創立，原名Evis，後來被指與Levi's相似，所以改名，更用日本七福神之一——財神Ebisu的圓圓笑臉加上「品質保證」四個字，配合手繪海鷗M字做標記。Evisu以20's織布機製作出有名的SelvedgeDenim，布料要經過8至16次的染色，每天只能製作出品14條褲，極罕有！94年品牌與PeterCaplowe合作，將品牌推向國際，但不論日版或歐洲版，設計都要經山根英彥檢定才可推出！

■SelvedgeDenim特點是牛仔褲的側骨，前後幅都係布邊，證明係原塊織出的布。

香港店限量版度身訂做

為紀念香港首間專門店開幕，Evisu特別推出限量版洋紫荊×Kamon花圖案牛仔褲。限量紀念版不但用上金、銀色Daicock大M標記夠特別，更會幫你度咗尺寸才訂做，似足西褲咁講究，超矜貴！

金男
採用經典0002型號剪裁，右袋印有品牌標誌Kamon花圖案，左袋印有香港區花洋紫荊圖案，而金色Daicock大MLogo夠搶眼！$5,000（限量30條）

銀女
採用EuropeanEdition的Slimcut剪裁，銀色Diacock大MLogo上面，分別繡上Kamon花及洋紫荊。$5,000（限量30條）