理想家居:家具店淡季減價<br>梳化大床組合櫃三五折掃齊全屋家具

理想家居:家具店淡季減價
梳化大床組合櫃三五折掃齊全屋家具

出國旅行有旺、淡季之分,夾啱淡季出發隨時可以慳到三分之一旅費,精明的消費者當然經常昅實,原來家具界亦有旺淡季,過年後至清明時分均是生意淡薄的日子,所以各大家具店都會紛紛以減價作招徠,今日這間位於利舞臺的家具店就趁住淡季進行大裝修,全店不少貨品都冧價清貨,雖然大部份為陳列品,但狀態Keep得唔錯,而且價錢低至一折都有,老土講句:只此一件,手快有,手慢冇!

記者:張銘恩
攝影:陳陶鈞 模特兒:Samantha

清貨價:$8,400原價:$24,000
(闊330×深190×高91cm)

大件家具1折起

講到明係清貨,個價唔筍,又點會令人有意欲去買呢?而大件家具價錢一向較高,要令人有衝動帶返屋企,個價當然都要令人眼前一亮啦,所以有部份大件家具實行做到一折起,超抵買!

六座餐枱3萬變3千
玻璃餐枱配鈎花金屬座椅,充滿歐陸味,全套六張餐椅加長形餐枱一口價3千蚊,平時買幾張櫈都唔止。
清貨價:$3,000
原價:$30,000(闊180×深90×高77cm)

流線型雙色鞋櫃
倒轉流線梯形幾有美感,唔打開都唔知原來係鞋櫃,外層髹上厚厚的一層光面,內有六層。
清貨價:$2,800
原價:$8,000(闊126×深40×高118cm)

■店舖負責人會老實地話你知玻璃枱角有點點損毀,講真,買返屋企自己畀錢換過塊都有着數。

■小手抽開櫃位以真皮製造,不落俗套。

雕花大床夠典雅
店內不少雙人床均以35折發售,例如呢張傳統襟興的雕花大床,床頭板及床腳的雕花上更髹有金漆,更顯華麗。
清貨價:$4,830原價:$13,800
(闊168×長224×高110cm)

飾物櫃設計特別

要你忽然有動機踢走屋企件殘舊嘢,新歡梗要有實力去爭寵,除了價錢要夠吸引外,外形都十分重要,如果你想物識一個飾物櫃,呢度幾件平靚筍貨諗得過,個個都各具特色,有大有細豐儉由人。

鵝蛋形櫃做裝飾
可愛的鵝蛋形飾物櫃,內有玻璃板及數個小木櫃桶,單單本身已是一件別致的擺設。
清貨價:$6,300 原價:$18,000
(闊168×深49×高214cm)

開放酒櫃隨時隱藏
所謂財不可露眼,有客人來又唔想畀人見到自己的陳年好酒及名貴擺設,不妨揀個有隱藏櫃門的飾物酒櫃,可共放14支酒。
清貨價:$4,800原價:$29,800
(闊105×深60.5×高149.5cm)

曲尺組合櫃
圓角曲尺組合大櫃,外形經典,儲存量大,啱晒傳統大家族。
清貨價:$15,750原價:$45,000
(闊236×深236×高215cm)

■閂起櫃門後看上去特別整齊,更可以上鎖。

■除了櫃桶、玻璃飾物櫃,還有一個小酒架,十分實用。

單座梳化大王必備

中式「龍椅」
一日辛勞工作過後,返到屋企最想梗係好似大王咁攤喺度休息,所以一張配有腳踏的「龍椅」點少得!
清貨價:$2,205
原價:$6,300

■手踭位加了軟墊,既實用又美觀,另外又附有圓筒形腰墊。

年輕潮款
一屋潮人家具,就當然要揀番件現代感重一點的款式,絨布面闊身梳化,啱啱夠位與伴侶親密地齊齊坐。
清貨價:$2,960原價:$14,800

平價之選 幾嚿水都有

三腳小几
几面為波浪紋設計的磨砂玻璃,放盆栽、公仔精品等裝飾物最好不過。
清貨價:$880原價:$2,200

田園手繪座椅
最啱放露台和花園的手繪金屬座椅,田園風味濃厚,硬淨襟用。
有扶手款清貨價:$880/4張
原價:$3,520/4張
冇扶手款清貨價:$198/張
原價:$880/張

PASADENA減價詳情
日期:即日起至4月30日
時間:11:00am-8:00pm
地點:銅鑼灣波斯富街99號利舞臺廣場10樓
電話:25062228
註:以上價錢包送貨及安裝