噚日工總主席丁午壽同班記者食午飯，原本想講吓工總最新嘅近況，不過，由於自由黨主席田少盛傳有意出戰參選特首，身為自由黨成員兼田少好友嘅丁午壽，席間連番被追問田少有意出戰嘅最新發展。不過，佢好口密，話唔知好友係咪決定參選，叫記者等田少放完假後，再問佢本人。但佢就爆料講咗另一個原本大熱門嘅唐唐少少秘密。
話說上個禮拜一，唐唐公開宣布，自己無意參選七月特首之戰，其實之前嗰個周六已喺一個各界友好嘅私人春茗聚會上，向百多位各界朋友宣布自己無意參戰嘅意向，重話會將自己嘅神聖一票投予曾司長咁話！不過，丁午壽補充，當時重未有田少有意參選嘅傳聞出現，唔知唐唐嗰一票會唔會有變呢？
傳真︰2623-9278
電郵︰[email protected]