《妖獸世紀》由歐洲漫畫改編，原作者恩奇畢拉（EnkiBilal）親自編導，電影用了真人加3D動畫拍攝，CG技術頗為啱睇，如戲中一幕金字塔戰艦登陸曼哈頓尤其出色。但唔知係咪掛住搞特技而無顧及劇情，故事內容較為混亂。最有睇頭係女角蓮達哈迪（LindaHardy），其髮型及服飾，都能表達歐洲時尚及富藝術嘅感覺。反觀男角湯馬斯祈舒曼（ThomasKretschmann）嘅戲服，唔可以話唔夠未來，但好似過時咗啲。
故事講述地球經多次核爆，在2095年的世界已面目全非，人類淪為次等，與變種人及妖獸三界共存，勢成水火。擁有神魔力量的荷路，須尋找流着藍色眼淚的祖莉（蓮達哈迪），在地球時間7日內與她結合，他才可奪回不死之身。雖然影片在港票房及口碑一般，不過鍾意睇特技科幻片嘅觀眾，相信都會幾滿足。隨DVD版附送限量Toy2R2吋「熊仔匙扣」，都算有啲安慰。
文：盧曹珠
發行：洲立影視
查詢電話：24188827