陪伴各位成長的HelloKitty，原來已經有30年歷史，官方為慶祝Kitty貓誕生兼夾紅足30年，推出一款全3D嘅《HelloKitty友情總動員》，主角變身武打動作明星擊退敵人外，廠方重搵埋旗下一眾Sanrio明星助陣，所有角色充滿一貫嘅可愛感，無論係小朋友或女朋友見到，都一定會大嗌「卡哇依呢」！
文：魚生（《GAMEWATCH!!》主編）
遊戲類型：動作
對應機種：XBOX
遊玩人數：1人
行貨售價：$299
(c)XPECEntertainmentInc.
售賣點：DreamStore
查詢電話：25753285
地址：灣仔東方188商場256號舖
雖然4月1日愚人節唔係紅假，不過就有《HelloKitty友情總動員》𠱁你開心。呢款由台灣XPEC負責開發的遊戲，將會對應全中文或英文的語言選擇，保證連小朋友也看得明白，玩起上嚟零舍有親切感。而且玩法唔算複雜，難度不高，加上Sanrio眾星都有機會登場亮相，不論大細路、小朋友都會玩得開懷。比較可惜係此作並不支援多人同玩及XBOXLIVE，無法與眾同樂是唯一的缺憾。
方糖Kitty超爆笑
話說有一個邪惡但笨拙的方塊軍團首領，以征服全宇宙為目的，就在尋找下一個侵略的目標時，見到地球上有人隨意丟棄及踐踏禮物空盒，首領誤會方塊子民被欺負，於是勃然大怒，決定侵略地球。報仇方法是將地球上居民變成自以為完美的正方形，甚至連圓形的地球也變成正方形！而地球上最幸福的小鎮SanrioTown，成為了方塊軍團侵略地球的首個目標，HelloKitty一個唔小心，更被變成「方糖Kitty」，外形相當之搞笑，值得一睇！
玩法簡單易上手
雖然此作是3D立體動作冒險遊戲，但總不會要求玩家攀山涉水潛入扮特務的，始終Sanrio卡通人物都是可愛角色，誰忍心讓他們辛苦呢？整個遊戲都以簡單的遊戲為主，當過關後可得到隱藏角色，與新加入的同伴一起冒險及解救其他同伴，想玩齊Sanrio卡通人物，就要努力救出他們了。玩者可先在衣櫥內，為HelloKitty選擇合適的服裝及武器，遇到不明白的地方也可向妹妺Mimmy查問，Keroppi博士也會提供每一關的重要情報，方便玩者了解情況。
換衫扮靚靚
隨着消滅敵人及過關之後，玩者都可以獲得某個數值嘅金幣，利用金幣到蛋糕機前購買各式蛋糕，可令主角回復體力。若玩者的技術高超，當然可將所得的金幣儲下來，用來購買其他可收集的景品，包括遊戲音樂、遊戲動畫、角色新服裝、特殊道具等，在強化角色之餘，也可讓遊戲更加耐玩，相信Kitty貓Fans會樂在其中。
