關之琳昨日在澳門為卡地亞專門店剪綵，佩戴二百七十萬元鑽石首飾，高貴典雅。問之之會否與被傳是同志的霍建華發展時，她則為霍建華及前男友黃家諾抱不平說：「識着我真係行衰運！」
關之琳昨日穿上Lanvin新裝到卡地亞澳門首間專門店，與賭王何鴻燊擔任開幕剪綵嘉賓。之之戴上卡地亞價值二百七十萬元的鑽石首飾，高貴大方。
之之大談珠寶經說：「我好細個就擁有珠寶，試過生日朋友夾份送lovebangle畀我，而最特別就係一隻喺巴黎搵到嘅古董綠寶石戒指，平時我都鍾意戴鑽石襯牛仔褲出街。」
之之又自爆前男友黃家諾曾送上卡地亞logo黑色戒指，她至今仍經常佩戴，問她戴舊愛禮物，可會覺得尷尬？她說：「唔會喎！」之之早前與緋聞男友霍建華出席活動，有指她拖着男方滿場飛，她昨日說：「嗰日我飲到highhigh哋，不過佢唔係我請嚟，我唔會自找麻煩嘅！」問她可是因為對方的年齡及性取向問題而不與他發展？之之即時說：「其實真係冇機會發展，但係唔好咁講啦，咁陰功，Jimmy（黃家諾）已經好慘，俾人話基，又話靠我，識着我真係行衰運！」之之又自言以前不介意公開戀情，但現時則要結婚才公開。
此外，何鴻燊回應林依麗反對四姨太梁安琪做保良局總理的言論，他說：「我唔相信反對到，都通過咗啦，都係做善事啫，啲人攞嚟搞！」
採訪：顏英儀
攝影：林德雄
