名媛姚樂碧（Ruby）去年加入GlobalBeauty任職業務拓展，早前更為集團旗下公司「瑪花纖體」拍攝宣傳照。Ruby穿上GuyLarochy春夏紫藍色露背裝，大騷玉背、長腿，盡顯曲線美。
Ruby昨日接受訪問時說：「影相嗰日只係拍咗兩三個鐘頭，不過我之前俾滾水淥親左手手指公，起咗個大水泡，影相前我先去醫生度放水，痛到入心，所以影相時有啲心不在焉，好彩出嚟的效果都幾好！」
Ruby甚少拍攝商業相，莫非被巨額酬金打動？她否認說：「梗係唔係啦，收咗封利是仔，自己公司都冇計。農曆新年時食多咗，肥咗十磅，後來做機減咗六、七磅。」Ruby續說：「係女仔都貪靚，我覺得身材fit，着稍為性感嘅衫都唔使左避右避，去function俾傳媒圍住影都放心啲啦！」
採訪：DebbieLum