教統局局長李國章同常任秘書長羅范椒芬真係好拍檔，只要佢哋兩個認為係好嘅嘢，任何教育改革政策都可以雷厲風行，每次出嚟講新嘢，都嚇到啲家長、校長同教師心驚膽跳。
噚日羅太就去咗國際基督教優質音樂中學暨小學嘅獻校禮，當然唔少得巡吓間學校啦。有位學生送咗張好靚嘅書籤畀羅太，羅太一收到就念念有詞，原來上面寫住一句聖經金句：「一句話說得合宜，就如金蘋果在銀網子裏。」羅太話呢句話正好提醒佢講說話要小心啲。咁唔知羅太又知唔知呢句話喺聖經入面嘅意思，係提示人講多啲好話、叫聽見嘅人得益處呢？羅太幾時可以講幾句，令教育界真係得益處呢？
成啟聰攝
傳真︰2623-9278
電郵︰[email protected]