秋官鄭少秋套新劇《御用閒人》播咗一半，就等八方同佢做個中期檢討。睇嚟呢次「秋官效應」都走唔甩，事關套劇今個月十四號推出，第一日恒指都未有反應，重升十五點，但之後窄幅上落，到上星期美國加息後，個市直頭頂唔住，以上星期四收市一三五九七點，同《御用閒人》未播之前計算，一共跌咗二百九十三點，都咪話唔靈。
不過，睇番去年秋官有兩套新劇上，播映期間則各有上落，其中《血薦軒轅》喺舊年三月至四月播映，恒指就跌咗百分之九，但係十月上嘅《楚漢驕雄》就升一成，但係通常每年三至四月嘅港股都比較波動，今次《御用閒人》都可能會應吓市，跌番咁上下。
傳真︰2623-9278
電郵︰[email protected]