一直係基金愛股的大成生化（809），近排股價異常低迷。不過，經紀黃話有人問過公司方面一切如常。大成將在4月份公布04年全年業績，照計應該唔錯，現價低迷或者係博反彈良機都未定。
大成呢排股價弱得交關，3月初重係企喺5元樓上，但假期前得番4.625元，都咪話唔得人驚。
經紀黃話，大成股價積弱，主要係因為公司盈利來源主力產品賴氨酸價格持續下跌。另外江湖亦有唔少關於大成的傳聞，包括公司或者會向市場伸手要錢，此等傳聞令唔少芬佬不停沽貨，導致大成股價低迷。睇番資料，細摩今年以來已沽售大成有好一段日子。
經紀黃又話，賴氨酸價格已跌咗好一段時間，照計再跌風險有限，而大成去年10月曾配股集資，照計冇咁快又再伸手要錢。大成近年來致力發展新產品多元醇，並大興土木興建廠房，目的就係減低對賴氨酸的依賴，如果大成新產品能夠成功嘅話，或者會令芬佬重拾信心。
慕容小初