鄧萃雯早前為纖體公司拍攝新一輯平面廣告，鏡頭前她以青春冶豔百老匯舞台巨星及吉卜賽女郎示人，性感背後原來她拍攝時披上浴衣和飲中藥維持體力。
鄧萃雯去年憑電視劇《金枝慾孽》「如妃」一角大紅，人氣急升，前晚更穿上性感白色晚裝，為香港電影金像獎頒獎典禮任頒獎嘉賓。早前鄧萃雯還為貴族纖形拍攝新一輯平面廣告硬照，以多個性感造型登場，大騷本錢。
今次特別請來本地時裝設計師何國鉦（DorianHo）為鄧萃雯設計五個形象，包括惹火紅番女郎、綠色孔雀仙子、民族風情吉卜賽女郎、冶豔百老匯歌手及華麗荷李活女星。時裝設計師Dorian昨日接受訪問時說：「因為雯女一般在劇中都係扮演有份量、充滿霸氣，同較成熟嘅角色，所以今次造型大前提係要young，脫去老氣，接近佢真實年齡、較少出現嘅百變形象，好似佢好希望飾演嘅二十年代歌手咁。」
Dorian又大讚鄧萃雯個子不高，但身材比例均勻，手腳亦纖幼白皙，毋須遮掩。而鄧萃雯因內分泌失調問題，拍攝期間抱病在身，所以上妝或休息時，都要穿上厚厚浴衣保暖，更自備中藥調理。
鄧萃雯又非常緊張出來的效果，不斷翻看相片，與造型師交換意見，她更賣花讚花香說：「近日工作忙，忙到連休息嘅時間都冇，有時借住去纖體，我都乘機鬆一鬆，我𠵱家對任何服裝都駕馭自如，令我更加敢於嘗試新造型、新角色，接受唔同嘅挑戰。」
