導演馬楚成繼《東京攻略》後，再夥金像獎出爐影帝梁朝偉拍續集《韓城攻略》，今次搵嚟幾位日、韓美女撐場，但睇得唔打得，唔通美女就一定走唔出做花樽嘅命運？另外，戲中很多打鬥場面，好似睇賽跑、黑幫打架全都斯斯文文，佢哋可能驚整親影帝啩，最勁嗰場都係喺尾聲時，架飛機爆炸有啲火見吓。《2046》影帝梁朝偉雖然於今集打得麻麻，但在文戲及搞笑部份，就發揮其吸引力。另一男主角任賢齊就打得唔錯，加埋佢唔鹹唔淡嘅廣東話，就更加突出，而女主角舒淇的戲份，就無咁多，打鬥場面好似過眼雲煙。
故事骨幹又係講特工鬥黑幫，全片充滿靚女、打鬥同搞笑，開開心心個半鐘咁喇。DVD除收錄刪剪片段、製作特輯外，還有旅遊特輯，由戲中飾演繙譯員的焯勻做主持，介紹韓國吃喝玩樂的地方，幾搞笑。
文：盧曹珠
旺角價：$85（DVD）/$45（VCD）