立法會好快就會審議特首補選嘅條例，保皇黨同民主派都會爭相加入草案委員會。民主派人少，要晒馬就肯定晒唔贏保皇黨，民主派要選到主席，睇怕都係同選特首一樣咁難，都係陪跑。有議員同八方講，睇怕主席唔係民建聯譚耀宗，就係自由黨劉健儀啦！
不過形勢冇影響大狀黨湯家驊，佢一定會去馬，代表民主派同保皇黨片過。剛喺日本返港嘅湯大狀話，佢返嚟第一件事就係要爭做草案委員會主席，因為條草案真係好重要，佢重拉票咁話：雖然佢係議會新丁，但選得到佢一定會做好工作。
大狀黨選草委會主席咁勇，八方希望佢哋選特首都一樣啦，如果大狀黨唔選特首，民主派都好難攞夠一百個提名！
傳真︰2623-9278
電郵︰[email protected]