雖然啲民調成日話煲呔民望高，但好多電台聽眾唔係咁講。噚日有個聽眾黃生喺商台節目《左右大局》就勁踩煲呔，話寧願揀工聯會王國興，都唔揀煲呔、田少同唐唐，因為王國興肯幫低下層講話。
同係工聯會，聽眾阿黃生話鄭耀棠、梁富華同譚耀宗，都唔及嫻姐同王國興咁幫低下階層，王國興做特首「起碼夠勇」！
民建聯前主席曾鈺成係節目嘉賓，王國興都係民建聯嘅人，但曾鈺成就竟然唔撐自己友，佢重叫呢位聽眾諗清楚，如果支持個工會嘅人做特首，睇怕都會搞到啲工商界好驚，工會背景未必有利喎。
傳真︰2623-9278
電郵︰[email protected]