Cookies最後一聚Stephy變喊包

Cookies最後一聚Stephy變喊包

四人女子組合Cookies經歷幾番變動，由九餅變四餅、Kary另組PingPung等，最終她們仍是要獨立發展。昨天她們於尖沙嘴舉行唱片簽名會，亦是最後一次聚頭，吸引了約三百多人圍觀。活動上，她們在講述獨立發展的感受時，都忍不住流淚，尤其是Stephy喊得最犀利。

「有緋聞冇人撐」
唱片公司計劃讓Cookies分別在電視、電影、廣告和唱片四方面發展，她們一再強調不是拆夥，Miki說：「唔算係分手，只係大半年唔一齊工作，等大家各自工作試吓，其實公司話過唔排除會再喺埋一齊，又或者會加啲新人，𠵱家重傾緊。」
但四人就認同獨立發展有其好處，Stephy說：「學多啲嘢之餘又賺多啲錢，但係以後答問題就得一個，有緋聞冇人撐。」Cookies更揚言不會因此影響感情，Miki笑說：「我哋友誼已發展到鬧晒交，我哋已見過晒對方所有嘢。」
採訪：王連連　
攝影：葉君海

即使四位餅女在事前表示她們不會哭，但Stephy仍忍不住頻頻下淚。

現場有不少fans高舉Cookies名牌，加上圍觀人士，把現場擠得水洩不通。