將於下月中臨盆的阿娣，坦言現時抱着隨遇而安的心情。「醫生幫我照過超聲波，話個胎係女，我生囝囝時要開刀，唔知今次使唔使，不過社工叫我唔使擔心，到時會安排照顧我囝囝。」阿娣向記者說。她已育有一兒子傑仔，今年六歲。
傑仔知道母親將為他添一個妹妹，喜孜孜地說：「好開心，多一個人陪我玩，冇咁悶。」
三十三歲的阿娣，月前由內地來港定居，惟不久丈夫提出分居，腹大便便的她帶着兒子離家，一度租住唐樓天台屋。
社會福利署有見阿娣母子境況堪憐，豁免她需要居港七年的規定，批出綜援金給她維持生計。
去年底，阿娣有感肚子愈來愈大，每日上落要行八層樓梯，十分吃力，於是向蘋果日報慈善基金求助，希望搬到一個樓層較低的單位，蘋果基金遂撥款五千元給她作搬遷用途。
「搬咗嚟呢度好好多，單位大啲，行少幾層樓梯，短期內都唔使諗再搬。」阿娣說。另她近日獲善長捐款合共三千四百三十元。「我打算用啲錢添置BB用品，我真係好想當面多謝各位善長，佢哋幫咗我好多。」
捐款編號：C1583
暖流熱線
電話：29908688
傳真：23702192
電郵：[email protected]
網址： http://www.charity.atnext.com