喺呢一刻重係思捷大股東兼老闆、出晒名錫老婆林青霞嘅邢李㷧（圖左），近排除咗賣股口骨咗成四十幾億元，真真正正成為億萬富豪，值得可喜可賀之外，佢間總部又有喬遷九龍灣之喜，真係喜上加喜。其中最特別嘅地方，係佢哋揀咗三月三十號為新總部正式運作日，食番上市冧巴「三三零」咁話喎。
據八方所知，原本佢哋想喺農曆新年前搬嘅，但係由於太忙嘅關係，又要搞業績，又要見投資者，所以咪搞到𠵱家先搬囉！不過，咁都幾好呀，食正三三零。
有思捷中人同八方講，未知三月三十號會唔會搞啲啟業儀式慶祝吓，因為邢生嗰日太忙。八方喺度預祝佢哋開工大吉。
傳真︰2623-9278
電郵︰[email protected]