曾接拍韓國古裝片《挑情寶鑑》、有「日本師奶殺手」之稱嘅裴勇俊，已落實接拍古裝劇《太王四神記》，據噚日嘅韓國報章《朝鮮日報》報道，呢套三十六集嘅古裝劇製作費預計超過三百億韓圜（二億三千萬港元），俊哥會喺入面飾演廣開土王，聽聞製作單位重有意搵埋俊哥喺《冬日戀曲》入面嘅拍檔崔智友擔任女主角㖭。