家陣潮流，乜都講Gimmick，連波鞋亦唔例外。中國文化講求陰陽平衡、五行相生相剋，絕對唔係導人迷信，而PONY最新特別版Sneakers，五對波鞋分別Sell金、木、水、火、土五行，夾埋五行元素嚟Sell，都算係史上第一次，確實Gimmick十足。不過有錢都唔易買，要抽獎先可以得到！萬一運仔唔夠，抽唔到波鞋，都重可以去旺角花園街最新五行波鞋場掃波鞋，呢個全旺角最大最齊的波鞋舖，你行咗未？
記者：胡卓琳
攝影：周旭文、黃子偉
超矜貴PONY×五行特別版
五行PONYShooter有高筒及低筒之分，分別為金、木、水、火、土五行。五行元素與氣節相似，木象春、火象夏、金象秋、水象冬、土象四暮月（又稱四季月），各位對照自己的出生季節就知道旺乜，每對特別版PONYShooter於鞋踭位置都寫到明屬邊一瓣（黃色屬金；米色屬木；藍色屬水；紅色屬火；啡屬土），各位請自行對號入座，唔好搞錯！咁抽唔到特別版的Fans，買同色平民版，效果都一樣！
五行Pony全港六套不作公開發售
繡有5行字的特別版PONYShooter，並唔會作公開發售，不過同色無字的平民版就可於各大銷售點買到。想得到特別版的PONYShooter亦有方法，由即日起只要到指定PONY銷售點購買PONYShooter波鞋一對，即可獲換領表格一張，填妥後寄回，即有機會獲得全套5對限量版，金、木、水、火、土Shooter波鞋。限量6套，送完即止。
同場加映！
PONYShooter五行特別版極之矜貴，唔係話買就有，都要靠運仔。各位即管買住呢批新色PONYShooter，頂住癮先啦！
售賣點：銅鑼灣Sogo三樓PONY專櫃（28314645）
旺角最新五行潮場
除咗波鞋玩五行，就連賣波鞋的舖頭一樣照玩可也，旺角花園街一幢商廈重新裝修後，化身成五行包裝的潮流商場。商場暫未有正式名稱，但包裝噱頭十足，五層分為金、木、水、火、土不同主題，雖然最頂兩層餐廳要4月初才營業，但樓下三層賣波鞋的舖頭就經已準備就緒，五行夾攻，直情就係全力出擊，決戰花園街！
屬火的2樓食肆以火一般的健康、活力作主題，專營營養時尚的FitnessFood餐廳。而屬木的3樓食肆裝修會以木為主，以高級西餐廳為主。
屬土！地庫TorontoSports
地庫專賣Outdoor運動品牌，包括Lafuma、Timberland、Millet等牌子。
屬金！地下TorontoSports
以Nike的金漆招牌作招徠，賣的都係Nike出品，一系列貨品當然最新最齊。
屬水！1樓CiMi-Strut旺角最大波鞋舖
切合以水為題，裝修以藍色為主，全層面積1,200呎，必定係全旺角最大的波鞋舖，除咗鞋之外，其他年輕人品牌就包括Pony、Eastpak、Levi's、MissSixty等等，日後亦將陸續引進外國潮流服裝品牌。
地址：旺角花園街76A-E
查詢電話：23912772
