香港電影金像獎頒獎典禮昨晚在紅館舉行，大會將播映權交給無綫，但因無綫並非現場直播，而是將播映時間推遲了一小時，結果大會日前為遷就無綫，竟限制其他電子傳媒公布賽果的時間，遭有線電視炮轟妨礙新聞自由後，大會又即時轉軚批准所有傳媒可隨時公布賽果。
不過，事件並未有就此平息，有線執行董事徐小明昨日得知金像獎主席文雋接受該台記者訪問時，竟然說金像獎是私人派對並非公開活動後，表示感到十分驚訝，認為對方說話完全不負責任。
徐小明昨日接受電話訪問時說：「今日公司嘅人向我滙報，話噚日有線娛樂新聞台有記者打畀文雋問番呢件事時，文雋竟然話呢個係私人party，金像獎係電影界同TVB閂埋門嘅活動，係同TVB嘅商業行為，人哋畀錢我哋就要尊重合約精神，呢個唔係公開活動。」
徐小明續說：「我完全唔認同文雋咁講，電影工業同市民息息相關，代表電影界嘅金像獎賽果，市民都有知情權，點可以話係私人party？唔通政府會花納稅人錢去資助私人活動？呢件事我哋一定要政府交代，我都好想向九大電影屬會問清楚，香港金像獎幾時變咗係同TVB閂埋門嘅私人活動。」
採訪：蔡丹