陳浩民、楊怡和文頌嫻昨日在元朗大棠拍攝無綫劇集《施公奇案》，劇情講述陳浩民和楊怡初次相識，大家因誤會而大打出手。可是楊怡不擅演打戲而NG多次。
楊怡說：「雖然我唔係第一次拍打嘅戲，但係我打真係比較弱，又怕就唔到力，打到好攰。NG咗好多次，但浩民叫我放心打，不過真係怕整痛人唔好意思。」陳浩民在旁笑說：「佢打得好好，佢可能對自己要求高，觀眾會明白嘅，佢哋應該畀啲空間我哋進步。」
對於昨日有報道指一名男子疑失戀，把家中家具物件掟落街，陳浩民說：「唔係嘛？失戀關家具乜嘢事呀？佢要顧及公眾嘅安危，有乜都要三思而後行。雖然拍拖我係飛人多，但係好少遇到女仔咁樣，不過睇《西廂奇緣》就見到葉璇成日要擲嘢。」
採訪、攝影：王連連