老董話走就走，一個招呼都冇同人打，八方有日同班問責高官傾偈，佢哋都話冇機會同舊老細講再見，所以如果佢第日搞掂晒啲手尾得閒啲，就一定會同佢補番餞行，咁呢啲錢又的確唔慳得。
講開班問責局長，有位心水清嘅老友就笑話，其實煲呔都唔使太操心，佢如果補選成功後有所動作，亦唔使有乜顧忌，反正二司十一局，個個都係有水之人，冇一個等住份工開飯。
咁又係，你話班公僕出身嘅局長，好似孫公、葉澍堃、林瑞麟、王永平、曾俊華、李少光，個個都攞晒錢，黃金握手先至轉做問責官員，即係話人人都攞咗成千萬，話多唔多，話少唔少，都夠晒用，何況佢哋重有長糧食，慳啲使實冇問題。
至於唐唐同太子章都係太子爺，馬仔亨、何志平、冬冬同周一嶽亦上晒岸，唯一較兩袖清風係梁愛詩（圖），但係做咗八年司長都應搵長咗啦。
傳真︰2623-9278
電郵︰[email protected]