女子組合Twins的鍾欣桐、蔡卓妍（阿Sa）及馮德倫前日在上海宣傳新片《精武家庭》後，Twins昨日留在上海，以代言人身份出席上海光明乳業產品記者會，兩人表示是次酬勞高達七位數字，故十分滿意，二人更謂內地不少乳業均想邀請他們擔任代言人，阿Sa說：「之前都有幾間傾過，不過我哋本身同呢間公司嘅老闆好熟，所以經公司決定之後，就擔任佢哋嘅代言人。」
是次廣告商找來導演許鞍華拍攝，兩人大讚導演十分專業，Twins說：「我哋一直都好想同許導演合作，本來今日想送花畀佢，不過佢唔得閒嚟。」該公司老闆亦自掏腰包買下百多隻Twins的全新國語大碟，以作送禮之用。
而馮德倫昨日已返抵香港擔任魔術比賽的評判，對於黃秋生批評元華、元秋不懂做戲一事，他就說：「佢點樣comment（批評）人，我毋須comment，總之佢喺我心目中係好有演技嘅人。」
