江欣慈和徐子淇等昨日往尖沙嘴行騷，江欣慈表示現正勤力跑步喼弗，但對早前章小蕙的性感跑步look則不敢恭維，她笑指對方應找保鑣陪跑，因穿這麼少布跑步很大機會被人劫財劫色。
江欣慈、陳小韻及徐子淇昨日往尖沙嘴新太陽廣場行騷，三人看來均發福不少，陳小韻辯稱只是未曬太陽，膚色看來較白而已；徐子淇則表示磅數沒變；江欣慈亦表示常跑步喼弗，她說：「我呢排多數去黃泥涌水塘或者山頂跑步，有時重會帶埋張蓆去做瑜伽。」
問阿慈有沒有留意章小蕙的超性感跑步look？在山頂可曾遇見對方？阿慈說：「如果我真係見到佢，我諗我一定噴血，佢着咁少布去跑步，我怕佢會俾人劫財劫色，我建議佢應該搵個保鑣陪佢一齊跑，而且跑步應該着多少少衫，包實個身先至可以排多啲汗吖嘛！」
徐子淇則表示體重維持在一百一十五磅，她說：「女仔唔好太骨感，我問過啲男性朋友，佢哋都話女仔有啲肉先好，睇起嚟有福氣啲。」
子淇透露留港一個月後會返英專心溫書應付考試，因為在港太多朋友，溫書會分心，此時台上司儀即指她大可不用讀書，與男友結婚便可，子淇即笑說：「就算結咗婚都要有知識，唔使做黃面婆嘛！」
採訪：梁錦雯
攝影：陳偉權
