陳自瑤（YoYo）的個人寫真集《戀自瑤》昨日面世，在銅鑼灣舉行簽名會，吸引了一班fans撐場，而寫真集其中一位攝影師葛民輝亦有出現。其間有歌迷送了一個蛋糕祝褔YoYo，令她開心不已。
對於首次出寫真，YoYo表示十分緊張，她說：「自己冇睇過製成品，所以都好擔心反應。今次印咗五千本，遲啲如果有機會再出書就好喇！因為我好鍾意影相，下次若有機會好想有自己嘅作品。」
對不少女星亦愛「趁青春留倩影」，YoYo表示她雖然喜歡拍照，但就接受不到全裸照，她說：「我個人比較保守，而且着咗衫都可以影到靚相，若果要我性感，健康嘅性感都得嘅。」
採訪、攝影：王連連