今個春季懷舊風再次興起，揭開報章雜誌都見到大花、圓點及格仔的復古衣飾。今、明兩天就有復古衫大割價，至當旺的背心同OnePiece裙均以半價發售，比市價平一大截，想慳錢換季，做個復古美人，記住去入貨喇！
記者：曾靜茵
攝影：梁細權
Model：Helena（CoolFactory）
搶眼吉卜賽女郎
要着出復古味道，最重要就係整體配搭。吉卜賽印花燈籠上衣配襯三層雪紡及膝裙，色彩斑斕奪目，襯埋懷舊皮手袋，復古美人即活現眼前。
上衣原價：$299
開倉價：$160
及膝裙原價：$499
開倉價：$240
手袋原價：$399
開倉價：$120
春日紅綠顏色最搶鏡
呢款中袖雪紡長衫，搶眼的顏色配襯誇張懷舊圖案，富復古情懷。內襯緞質底裙加條牛仔褲，已經潮爆又好睇。
雪紡長衫原價：$459
開倉價：$250
緞質底裙原價：$99
開倉價：$50
經典復古Look
最經典的復古Look，莫過於掛頸的DeepV大花背心，掛頸大露背設計，不論前睇後睇都咁性感。襯埋淺啡色格仔半截裙，感覺就如回到芳芳姐的粵語長片年代。
背心原價：$89
開倉價：$45
半截裙原價：$189
開倉價：$90
幾十蚊潮流雪紡衫
懷舊+異國風情
想趁趁懷舊風，又唔想花喱碌的話，呢款一字領雪紡衫最適合，以蝙蝠袖加上鬆身設計，配合自然色系，既懷舊又帶點異國風情，屬易襯衫之選。
原價：$99
開倉價：$50
層層叠雪紡背心
波點吊帶背心，五層雪紡形成波浪效果，加上紅色的小波點，非常可愛，是少女們的必掃Item，另有黑配粉藍及彩圓圖案等。
原價：$89
開倉價：$45
企領泡泡入膊背心
企領入膊背心，款式甚有懷舊風情，加上彩色圓點圖案及皺褶的泡泡設計，正好迎合今年的復古熱潮，用來襯裙襯褲都咁正。
原價：$99
開倉價：$35
密集花花圖案
圓領背心襯以密集的紅色花卉圖案，領位有花邊作點綴，加埋閃珠襟花，搶眼奪目。腰位有束腰繩，有收腰的效果。
原價：$169
開倉價：$80
復古娃娃背心
大圓V領娃娃背心，以鮮豔的大圓點拼出誇張圖案，帶出復古味道。前襟有紅色的膠珠仔做點綴，增添成熟效果。
原價：$169
開倉價：$80
束腰大花恤衫
蝴蝶大花恤衫，顏色選用啡橙色系，復古味甚濃。恤衫設有束腰繩，配襯西褲最適合。質料是聚脂纖維，非常輕身舒服。
原價：$159
開倉價：$70
衫腳剪裁獨特
布滿紅橙色四方小格的雪紡恤衫，衫身及腰位做出收身效果。衫腳則為長短Cutting，懷舊中加入時尚元素。
原價：$199
開倉價：$100
必掃懷舊花裙
大鈕背心裙
雪紡背心裙，重點在於肩帶上的大鈕設計。黑白色感覺成熟斯文，配埋個幼帶懷舊手袋，就似時光倒流七十年。
原價：$199
開倉價：$90
幼帶掛頸
黑色掛頸雪紡裙，簡單的紅綠圓點圖案，效果唔太花，感覺幾Charming。襯件披肩就出得大場面。
原價：$429
開倉價：$220
棉質加雪紡夠獨特
印花配條子圖案，帶出和諧效果。領位用棉為質料，與雪紡營造質感的對比，充滿少女風格。
原價：$429
開倉價：$220
復古恤衫裙
幾何圖案恤衫，配橙色下襬裙，強烈的視覺對比。衫身用珍珠鈕更增添復古味。
原價：$199
開倉價：$100
泡泡+打褶短裙
橡筋頭復古裙，泡泡效果的黑色雪紡，配打褶的黃色雪紡，顏色及設計均帶出強烈的對比。
原價：$169
開倉價：$80
圓領短袖雪紡裙
短袖花碌碌onepiece雪紡裙，顏色夠sharp，重襯埋條可做頸巾或腰帶的絲巾，簡簡單單已經好潮。
原價：$429
開倉價：$220
復古衫開倉資料
日期：今、明兩天
時間：中午12時至晚上9時
地址：葵涌廣場1樓消費站1009店（31141312）
付款：現金，購買滿$500可以信用卡付款。