金管局自從搬咗去國金二期新址後，開放畀公眾參觀嘅資訊中心，已成為唔少學生、團體甚至訪港旅客嘅新景點。該局總裁任志剛喺每周專欄觀點度講，從○三年十二月啟用以來，中心至今已接待超過六萬名訪客，其中大約五成屬於團體，其餘個別訪客係趁喺中環順道參觀，或經親友推薦造訪。
任總又話，資訊中心歡迎接待唔同年齡及國家地區嘅訪客，但最鍾意就係學生同長者，而呢兩類對象亦佔資訊中心所有訪客嘅五成。
懸掛喺資訊中心、牆身有十八米長嘅「歷史長廊」同一啲互動式展品，係訪客嘅至愛，因為可以勾起唔少珍貴回憶，不過任總就呼籲訪客，可以多啲欣賞吓介紹該局工作同政策目標嘅展板喎。
傳真︰2623-9278
電郵︰[email protected]