【本報訊】對於政府計劃推出公共交通票價可加可減機制，要求巴士公司先減價，一年後再調節票價，有學者認為做法合理，市民容易接受。立法會兩大政黨都支持有關機制，但質疑要巴士公司減價百分之七，減幅太少。
城市大學公共及社會行政學系教授張炳良稱，社會普遍接受交通費應該可加可減，政府要求巴士公司先按過去通縮減價，日後再按設定條件加價，做法合理，容易令市民接受。但他質疑即使有了機制，巴士公司日後提出加價也很難完全避開民情及立法會的迴響。
理工大學土木及結構工程系副教授熊永達也說：「按通縮、通脹調整票價都算合理，相信要市民接受嘅問題唔大。如果大家都跟遊戲規則，我唔覺得咁嘅機制會有大問題。」
不過，城大管理科學系副教授曾淵滄擔心，政府與巴士公司原已簽訂合約，若現在強行要求巴士公司減價，這將違反本港自由經濟原則，損害投資者信心。城大社會科學部高級講師馮偉華亦謂：「要巴士公司先減價係合理嘅，問題係佢哋接唔接受，會唔會違反合約……日後加價可免咗立法會嘅政治壓力，正正係好處變壞處，點樣喺機制之外處理民意？」
此外，立法會交通事務委員會主席劉江華、民主黨議員鄭家富均支持政府要巴士公司先減價，更認為減百分之七太少。對於日後巴士公司加價可避免經立法會討論，鄭家富說：「如果大家都同意咗有咁嘅機制，毋須攞嚟立法會都好，我哋都費事俾人亂扣帽子，話我哋逢加必反。」