古巨基昨日到港台接受訪問，談到跟兩位女助手和Cookies的Stephy之間的緋聞時說：「我都知近來有狗仔隊跟我，可能佢哋發現我生活太有規律，所以冇嘢寫到。點知有記者自己作嘢，呢個科幻故事簡直去到一個失控、荒謬嘅地步，點解佢要為咗份人工就作嘢傷害人？呢個咁誇張嘅古仔應該停止啦。」
基仔表示沒因此打算改聘男助手，但希望幕後工作人員的生活不要受到影響，他說：「有邊個幕後人想上鏡見報呀？嗰個記者重要去搞人哋屋企人，實在太離譜啦。」問基仔曾否跟經理人黃柏高討論此事，他說：「都有傾過，佢話會幫我諗掂佢，所以呢單嘢放手畀佢處理。」
此外，Cookies昨日到慈雲山出席活動，Stephy表示即將出個人大碟，但就重申Cookies不是拆夥。
採訪、攝影：王崇穎、李珮洳