政府大力推動西九龍文娛藝術區，但作為香港本土藝術家集中地嘅「小東九」──牛棚藝術村，則唔多人提。牛棚即日起至下月七日，搞咗個「牛皮偏軟──牛棚業績公布」展覽，主題係探討經濟低迷下，牛棚藝術家嘅生態，總共有十六名藝術家參加，牛棚希望透過展覽，令市民多啲了解呢班藝術家。
睇番部份作品嘅命題同寓意，牛棚藝術家都幾擔心生存空間，好似林玉蓮嘅作品《寓言──十九烏鴉》，就以十九隻烏鴉代表牛棚嘅十九個租戶，當中有啲較肥壯，有啲就消失緊，正正反映各租戶嘅處境。另一個由甘志強創作、名為《根》嘅作品，係將一棵種喺花盆嘅樹，移植到展場地上，代表創作者對藝術落地生根嘅疑問。
市民如有興趣，不妨到土瓜灣馬頭角道六十三號嘅牛棚藝術村睇睇。
傳真︰2623-9278
電郵︰[email protected]