早前大家估唐唐（圖右）會唔會同煲呔硬撼，好快唐唐就企出嚟話畀大家聽唔會，除咗因為唐唐知道冇贏面之外，中央梗係單咗一聲，叫佢唔使心急，來日方長。
咁又係，相比於煲呔，唐唐從政嘅經驗係少咗啲，重需要磨練吓，至於佢會唔會劈炮唔撈，政圈中人都話一定唔會。原因好簡單，因為只要你一話唔做官，曝光率會即時大減，咁你又唔係行政會議成員，又唔係立法會議員，人哋使乜畀面你，連啲報紙都唔會問你嘢，或者登你咁多消息啦！
所以如果唐唐有野心，重想玩特首遊戲，就只有乖乖哋坐喺財爺個位度做好本份，為他人作嫁衣裳都好，總之有個platform陣地講嘢，總好過出師冇名，咁重有咁長途跑，冇理由煲呔捧走咗個兩年盃，又捧五年又五年㗎。
傳真︰2623-9278
電郵︰[email protected]