當年《FFVII》加入PS陣營，迅速打敗Saturn開始，令人深深體會到一隻成功嘅RPG幾乎掌握主機命脈，SCE深明此理，傾盡全力開發《WILDARMS》系列，務求一戰定江山。雖然未能一統江湖，不過其獨特戰鬥系統及動畫風格，慢慢凝聚到一定嘅Fans，而呢個禮拜推出嘅第4集，更加入全新嘅HEX戰鬥系統，彷如玩《大戰略》咁要考地形利用，打起上嚟腦筋要急轉彎，唔會一味靠升LV、㩒掣狂斬咁無聊。
記者：許福合
遊戲類型：RPG
對應機種：PS2
遊玩人數：1人
行貨售價：$395
開發商：SCE咎onyComputerEntertainmentInc.
好多玩過《WILDARMS》嘅人，都話呢一輯作戰介面，真係好似RPG溝《大戰略》！在一般戰鬥情況下，會以玩家的「六角形」為中心，圍埋共7個六角形組成的大戰陣，之後電腦會隨機將玩家、隊友及敵人散布於戰陣內，有趣係每個區域都有唔同特性，包括地、水、火、風，並互相剋制，而對應番玩家嘅屬性，在不同的地區戰鬥力亦因地區屬性嘅相生相尅，變得有所加強或減弱，天時、地利、人和三大元素配合，係今集要點，真係好鬼中國行兵策略Feel。
好多玩過《WILDARMS》嘅人，都話呢一輯作戰介面，真係好似RPG溝《大戰略》！在一般戰鬥情況下，會以玩家的「六角形」為中心，圍埋共7個六角形組成的大戰陣，之後電腦會隨機將玩家、隊友及敵人散布於戰陣內，有趣係每個區域都有唔同特性，包括地、水、火、風，並互相克制，而對應番玩家嘅屬性，在不同的地區戰鬥力亦因地區屬性嘅相生相剋，變得有所加強或減弱，天時、地利、人和三大元素配合，係今集要點，真係好鬼中國行兵策略Feel。
集中敵人一舉殲滅
特殊必殺技一向都係RPG遊戲中的王牌，不過在《WILDARMS》內使用就會受到一定程度的規限；當玩家進入戰鬥畫面後，畫面右方會見到紅色同藍色能源棒，唔好以為又係代表HP同MP咁行貨；每當玩家攻擊或被打時，藍色值都會有所提升，到頂點後紅色就會提高一格，當儲滿後，就能夠發動一下威力特強的必殺技，時機用啱分分鐘可扣掉敵人大半HP。不過要留意，能源棒係以全隊計算，若玩家有隊友協助，當中一人出招，亦要再儲過，所以揀個能力較高出必殺技比較着數；試玩後，發現最理想的情況是將敵人集中在同一區域下用特殊必殺技，好處是可以一口氣攻擊所有敵人，而我方亦更好回氣，打起來輕鬆得多，所以致勝條件係如何集中同分散敵我戰力。
另外提提大家，若持有前作《WILDARMSAlterCode:F》嘅Save，即可於遊戲中取得各式附加能力！例如提升初期狀態、出現特別寶箱、特定道具威力提升、追加迷你遊戲、可使用合體技等等，《WILDARMS》Fans就要留意。
遊戲場景有互動性
若果你對視覺效果要求特別高，今集《WILDARMS》都應相當滿意，戰鬥時運用各種特殊技能同魔法，都配上華麗視覺效果，而人物設定亦好有特色，以日本動畫水準，亦屬上上之選。
值得一提係非戰鬥畫面時，於村莊上走路，鏡頭都會隨人物移動放大縮小，角度亦會跟隨改變，令畫面相當有立體感，畫面不斷變化，與一般RPG平面式畫面設計，又或傳統3D式操控明顯有所不同，間中亦需要好似動作遊戲一樣，要玩家利用跑步、跳躍等技能來通過關卡，當然亦有機會取得特殊道具。遊戲內遇到人或物，都變得好「生動」，如玩家將木箱丟向路人，路人會立即有反應，甚至還手反擊，並非一般齋講嘢嘅紙板公仔，整個世界都變得更為互動。