方力申是護膚品BiothermHomme代言人，他日前替該品牌拍攝一輯新廣告，穿上恤衫的方力申被水照頭淋，弄得滿身濕透，健碩身形若隱若現。事後身為游泳高手的他自誇最擅長玩濕身。
方力申日前拍攝護膚品BiothermHomme廣告，當中有不少濕身鏡頭。拍攝當日天氣乍暖還寒，工作人員先以水樽在方力申身上照頭淋，令他渾身濕透，結實的上身在鏡頭前表露無遺。他說：「睇落去好似好性感，但其實係好凍，好難頂。」方力申後來索性脫掉恤衫，赤膊上陣。
方力申接着拍攝洗臉的鏡頭，他不停向臉上潑水，既要配合導演拍攝水珠的效果，又不可以弄濕衣服，所以難度相當高，方力申說：「我覺得自己好慣拍呢類濕身廣告，好多人會怕澀眼，但我游慣水，所以唔驚。」
此外，方力申及鍾景輝昨日在九龍塘一輛巴士上為無綫一個有關法律問題的新節目《百法百眾》拍攝短片，方力申說：「我對法律都有啲認識，都幾鍾意呢科，大學修讀商業法律係攞A，𠵱家我細佬又係讀法律。我細個都有諗過做律師，因為自己鍾意分析事情，又鍾意同人辯論，死都要拗番生，不過讀書時個底打得唔好，所以讀唔到。」
