葉璇前晚以嘉賓模特兒身份為一時裝品牌行騷，真空上陣兼狂放生電，但高度卻比專業模特兒輸蝕得多。葉璇表示性感不等如少布，心目中最性感及有女人味的藝人是劉嘉玲，她透露六月離開TVB，現與多間公司洽談中，故不愁沒出路。
葉璇前晚以嘉賓模特兒身份，往蘭桂坊蒲點Vola為時裝品牌PatrizizPepe行天橋，鄧萃雯、張燊悅和伍詠薇等則往捧場。葉璇前晚示範了三套服裝，與其他專業模特兒比較，其身高大為輸蝕，為力挽狂瀾，葉璇除了真空上陣外，又大放生電。她表示已貼了膠紙防走光，又自言做了豐胸產品代言人後，上圍由Bcup升至Ccup，自信心亦增加不少。
葉璇又大談性感的定義說：「性感唔係少布，係來自眉梢眼角，好似嘉玲姐姐（劉嘉玲）就一舉手一投足都好有女人味同好性感啦。」問葉璇自己性感的底線是甚麼？她說：「三點式囉！」
哪葉璇會否將自己的性感照給好友熊倪欣賞？她說：「邊有人畀自己啲相人哋睇咁儍？更加唔會着泳衣同佢一齊跳水啦，我又唔係跳水運動員。」葉璇透露六月會離開TVB，現有多間公司與她洽談中，故不愁沒有出路。
另外，鄧萃雯與張燊悅均穿上短裙前往睇騷，二人坐下時雖小心翼翼，卻仍不慎春光乍洩。鄧萃雯承認現在有很多贊助，所以慳回不少，她說：「我個人一向都唔物質嘅，過咗瘋狂買名牌嘅階段，而且為咗屋企太多衫而要搬屋就更無謂，我𠵱家最大嘅開支係花喺住嗰方面。」
採訪：JessicaNgan
攝影：RickyChan
