曾經自稱為「青樓名妓等贖身」嘅電盈副主席張永霖，自從「贖身」離開電盈後，全情投入學術界。除咗今年初佢到咗北京趙家弔唁趙紫陽外，一直好少聽到佢嘅消息。噚晚，首屆中國經濟學獎頒獎禮，喺北京人民大會堂舉行，身為港大專業進修學院董事局主席嘅張永霖，以獎項嘅主要捐錢人之一嘅身份，喺台上發言。
張永霖呢次唔只出錢，重出埋力㖭，計劃成立一個「中國經濟學海外基金管理委員會」，以基金會形式籌集資金，為將來舉辦交流活動及擴闊頒獎領域。呢個會嘅成員重有滙豐主席艾爾敦、黃乾亨律師，同埋港大校長徐立之。
傳真︰2623-9278
電郵︰[email protected]