中銀香港總裁和廣北，噚日率領新管理層公布業績，新面孔包括經環球招聘嘅副總裁高迎欣、風險總監張祐成及首次亮相嘅資訊總監廖仁君，舊人則有財務總監李永鴻及副總裁林炎南。可能由於中銀香港盈利破百億元紀錄，加上小金庫危機已告一段落，故和總裁與一眾管理層都心情靚靚。
業績簡報會由和總裁揸fit，除了答覆鬼佬台用流利英文外，大部份時間自然都係普通話對答，到讀慣番書李永鴻作答時，佢起初亦準備沿用普通話頻道，但和總裁可能體貼李生普通話唔夠靈光，表示用廣東話都得，搞到李永鴻笑笑口咁話，和總裁好似對佢啲普通話唔係幾滿意。
傳真︰2623-9278
電郵︰[email protected]