第24屆香港電影金獎像頒獎典禮 倒數第4日之女主角篇
今屆香港電影金像獎頒獎典禮的各個獎項中，「最佳女主角」一獎備受注目，今屆一眾候選女演員中，以《2046》女主角章子怡呼聲最高，一致被看好最有機會成為影后，至於在《功夫》中表現出位的元秋，則被視為次熱門。
今年香港電影金像獎頒獎典禮的「最佳女主角」獎項，大部份影評人均認為應屬主演《2046》的章子怡、《功夫》的元秋及《203040》的張艾嘉之爭，而主演《旺角黑夜》的張栢芝與《救命》的林嘉欣則被視為冷馬。
導演兼編劇鍾繼昌認為在《功夫》中飾演包租婆的元秋，有力奪取影后寶座，他說：「元秋演繹一個深藏不露嘅女高手，佢演嘅喜劇方法係帶來咗一啲驚喜，因為影壇一直冇呢類嘅喜劇演員出現過，所以唔少觀眾睇完呢部戲後都會印象好深，雖然好多人喺度爭論佢係女主角定係女配角，但我覺得佢毫無疑問係女主角，因為元秋戲份咁重。」
鍾繼昌亦認為章子怡在《2046》的表現也是相當放，她的演出可謂毫無包袱，獲提名乃意料中事，她肯定是元秋的唯一勁敵。
而影評人紀陶則有另一番見解，他說：「我覺得張艾嘉同章子怡奪獎呼聲會比較高，特別係張艾嘉，佢對角色掌握恰到好處，另外章子怡喺《2046》同《十面埋伏》表現都係令人印象好深刻，佢演嘅角色難度幾高，好考內心演技。至於大家都睇好嘅元秋，老實講，我就覺得佢如果得到女配角或新人提名，咁佢得獎機會應該會比較高。」
