○八北京奧運嘅馬術賽會唔會畀香港辦，家陣重係言之過早，因為要過兩關，第一關係北京奧委會嘅死硬派，第二關係國際奧委。路邊社重話北京對香港報章報道北京曾有馬匹感染傳染病紀錄、影響辦奧運馬術賽嘅消息，好唔滿意，更搵人向好想香港辦奧運賽事嘅霍震霆「單聲」，唔好「說三道四」。
消息又話，原來香港馬會早前真係整咗份好詳細嘅報告畀北京同國際奧委會，內容係香港接辦奧運馬術賽嘅可行性，而其中最有力嘅籌碼，原來係馬會享譽全球最先進嘅馬匹檢疫中心。
唔講你唔知，原來國際馬術總會有條公約，就係比賽馬匹只准到認可嘅會員國比賽，因馬匹檢疫要好安全，一中病毒就會好大件事，因為幾百萬一隻賽馬，加埋訓練嘅心血可以話價值不菲，若果啲馬到非認可地方比賽過，馬匹因檢疫問題，隨時唔准返歸。咁啱中國重未係認可嘅「指定會員國」，唔怪得有人咁……。
得閒真係要到馬會嘅檢疫中心參觀吓，嗰度分分鐘係攞到接辦奧運嘅福地！
傳真︰2623-9278
電郵︰[email protected]