艾爾敦俾咪扑 - 李八方

  艾爾敦俾咪扑 - 李八方

四大商會噚日筵開百席,請唐唐講解財政預算案。唐唐一開波就好抱歉咁同班商界老友講sorry,話知道唔減紅酒稅會令部份人好失望!話咗唔去馬選特首嘅唐唐又話,有啲人批評預算案冇乜講理財哲學,但佢唔打算同大家講柏拉圖,份預算案有幾多哲學,留畀大家討論啦!
唐唐演講前,就快退休嘅滙豐大班艾爾敦,就攞佢嘅名句開玩笑。艾爾敦話,唐唐成日講「Marketleads,governmentfacilitates(市場主導、政府促進)」,但唐唐一講嘢就變咗「Marketlistens,governmentarticulates(市場聽從、政府闡釋)」。
由於份預算案冇乜大動作,台下商界都冇嘢好問,主持搵咗好耐,先搵到人問最尾條Q。唐唐會後冇講嘢就走咗,有記者追住艾爾敦問加息,但有電視台唔小心成支咪篤落艾爾敦度,搞到佢老兄有啲嬲咁話,佢淨係會答啲「友善」傳媒嘅問題!

傳真︰2623-9278
電郵︰[email protected]