2R成員黃婉伶（Race）將於周日角逐金像獎「最佳新演員」，與章小蕙和房祖名等新人大比拼。Race表示論性感雖跟章小蕙冇得揮，但仍會與胞姊Rosanne一擲四萬元置裝，實行以青春打扮跟性感露半球的章小蕙鬥一番。
女子組合2R成員黃婉伶憑電影《死亡寫真》，入圍「第二十四屆香港電影金像獎」的「最佳新演員」。在《死》片中飾演偷拍屍體狂的Race，表現雖獲不俗評價，但其競爭對手有章小蕙、房祖名、黃聖依和田原，得獎與否實在難下定論。
2R日前接受記者電話訪問，Race表示已邀請設計師為她與胞姊Rosanne設計晚裝出席頒獎禮，估計兩套晚裝價值共約四萬元，她說：「我同家姐嘅feel會唔同，但啲衫都靚嘅。呢次係我人生中最隆重嘅一件事，係大日子，所以要用多啲錢買衫。」
Race又透露已獲珠寶商贊助首飾，但她不會以價錢掛帥，只會挑選合適的首飾，她說：「珠寶商冇話限贊助幾多錢嘅飾物，我唔會揀幾十卡，最緊要襯番件衫。」
由於對手有露胸高手章小蕙，問Race會否作性感打扮？她聞言即笑說：「我哋點性感，都冇得同佢揮㗎啦！其實以佢呢個年紀嚟講，身材同皮膚都算好靚。」
未知Race有否奪獎勝算？她說：「我覺得每個有份提名嘅演員機會都一樣，就算呢次贏唔到，我都好安慰，有得提名喎。我爹哋媽咪都特登飛過嚟，如果自己有獎攞，會同爹哋、媽咪同埋公司同事一齊食飯、唱K慶祝。」
採訪：朱倬誼
攝影：林德雄
髮型：Tavin@HairCulture
服裝：FrenchCollection（Rosanne牛仔褲為私物）
場地：ATouchofspice
