復活節又到喇，有無諗過致送禮物給各方好友？除咗傳統的朱古力復活蛋外，建議大家可以花多一點心思，選購一些有得食又有得用的復活節GiftSet，美觀實用，朋友見到實鍾意。另外，亦有多款受歡迎的朱古力兔和朱古力蛋，不妨作為參考慢慢揀！
記者：梁彩燕 攝影：黃子偉、林栢鈞
模特兒：Kendy（CoolFactory）
點解復活節要食蛋？
西方人相信蛋有兩次生命，第一次係「新生」，第二次係「重生」，亦象徵復活、春天新生命的開始。早期的習俗係將蛋染成紅色來慶祝復活節，後來則在蛋上繪上七彩繽紛的色彩和圖案，代表歡樂、新生的意思。現時就多會用朱古力製成復活蛋，加上精美包裝，大人細路都鍾意。
禮物套裝有得食有得用
無論你係咪實用主義者，若然食完朱古力可以留住得意又Cutie的包裝，就更加物超所值。有些包裝可作為裝飾、有些更可作為儲物盒，既實用又具紀念價值，絕對是送禮首選！
粉紅兔仔筆袋
See'sCandies的BunnyPencilCase套裝，粉紅兔仔內裝有各式糖果和雜錦朱古力，好Sweet！食晒糖果，兔仔重可以留嚟做筆袋或化妝袋！
售價：$138（e）
手做珠仔復活蛋
講到矜貴，呢款必是首選。GODIVA的BeadedEgg，朱古力及穿滿珠仔的復活蛋均以人手製造。蛋內有10粒迷你朱古力，又靚又細緻的珠仔復活蛋，最啱用嚟放首飾。
售價：$390（d）
禮物籃包羅萬有
在七彩繽紛的See'sCandies復活節禮物籃內，有啫喱糖、雜錦朱古力、兩隻復活蛋和立體復活兔朱古力一隻。一籃有齊各式糖果，籃仔可作儲物之用。
售價：$298（e）
羊咩咩毛公仔
呢隻羊咩咩名叫Lucy，GODIVA出品。每隻Lucy包括5粒雜錦迷你復活蛋，粒粒都唔同味道。當中亦有新推出的新口味，如朱古力配檸檬餡料、香草味等。
售價：$300（d）
80多款朱古力任揀
呢款兔仔禮物籃，每個有200克朱古力。買家可以喺80多款比利時Leonidas朱古力中揀選心水口味，完全為收件者度身訂做，禮物籃重可以用嚟擺放首飾！
售價：$250（f）
實用ShoppingBag
長方ShoppingBag內裝有150克意大利Venchi雜錦朱古力，全部以黑朱古力或香滑的牛奶朱古力製成。造型趣怪的毛毛雞公仔，重可以拆出來做裝飾！
售價：$200（a）
人手製造夠矜貴
在眾多動物之中，兔仔絕對能夠代表復活節！teuscher推出呢幾款GiftSet，得意縐紙兔仔全部在瑞士以人手製造，造型煞食具紀念價值。每款更有一粒香濃手製朱古力，大小朋友都鍾意！
售價：$88/隻（h）
可愛造型至緊要Cute
市面一眾復活兔朱古力，全以不同的花款吸引買家。有些更以絲帶或噹噹作為裝飾點綴，除咗SellCutie外，有些更以不同的設計及顏色朱古力作招徠。
紅底大力兔最煞食
呢隻復活兔以大隻身形搶盡風頭，着住紅色底褲，擺個大力士Pose，造型盞鬼到爆，收到呢份復活節禮物一定有驚喜。朱古力由Deschamps出品，重量為150克。
售價：$68（a）
兔仔屋點捨得食
想要復活蛋又要復活兔？呢間牛奶朱古力屋仔屬心水之選。淨重192克，屋內有隻得意兔仔，重送埋2粒迷你復活蛋朱古力，夠晒大堆頭！
售價：$88（c）
恐龍生蛋
復活節點會只有兔仔的份兒，馬莎推出的復活蛋，就以恐龍作為主角。一盒有4隻復活蛋，其中一隻大蛋內就孕育出小恐龍，有趣又得意！
售價：$55（b）
噹噹小金兔
細細隻瑞士蓮復活兔，淨重100克，身上包有金色錫紙做外衣，感覺搶眼。頸項掛上小噹噹及圍上紅色絲帶，送畀朋友做小禮物至啱。
售價：$49（a）
小鴨仔突破傳統
除咗復活兔，今次重有平時只喜歡扮演沐浴鴨的橙嘴鴨仔。雖然都係一貫咁低調，冇太多花巧設計，但同樣咁受歡迎。
售價：$20（b）
瑞士的骰兔
瑞士小兔朱古力，以可可粉、可可黃油、全脂及脫脂奶所製成。每隻細細粒，一口吞一隻落肚，買嚟𠱁自己或𠱁朋友都咁化算。
售價：$10.5/隻（b）
復活蛋餡料造型富心思
咪睇復活蛋的形狀個個一樣冇乜特別，為了搞搞新意思，今年推出的復活蛋朱古力，就以不同大小、唔同味道，甚至以立體浮雕造型來增加噱頭。
蛋中有蛋
Leonidas巨型朱古力復活蛋，蛋殼外層以黑朱古力製成，蛋內則另有乾坤。放置了8種不同口味的朱古力或朱古力蛋，份量十足。
售價：$230（f）
小雞藏蛋內
See'sCandies的HollowEggs，6隻朱古力復活蛋共重153克。咪睇包裝平平無奇，查實每隻朱古力蛋內，均藏有以白朱古力製成的雞仔，帶畀你額外驚喜！
售價：$78（e）
傳統款式
龍島的復活蛋朱古力，全個以牛奶朱古力製成，共重400克。約21cm高，雞蛋外包裹着奪目錫紙，耀眼非常。
售價：$108（c）
慕絲新口味
牛奶朱古力內，加入咗朱古力Mousse或呍呢拿味的Mousse，口味軟滑獨特。可惜復活蛋的外表無乜花巧，唔夠吸引。
售價：$8/隻（b）
薄荷味金蛋
Bendicks復活金蛋，重410克，表層做到凹凸不平，感覺有點像恐龍蛋！以香濃的黑朱古力製成，帶有淡淡清新怡人的薄荷味。
原價：$322
特價：$249（g）
澳洲金蛋
來自澳洲的純牛奶朱古力，淨重260克，每粒復活蛋都甘甜味美，派畀小朋友做小禮物是最佳選擇！
原價：$88
特價：$79（g）
售賣點：
（a） 崇光百貨28338338銅鑼灣軒尼詩道555號
（b） 馬莎29218845金鐘太古廣場二期120號店
（c） 龍島29227055尖沙嘴海港城港威商場二樓2320號舖
（d） GODIVAChocolatier29074818銅鑼灣利園一期309店
（e） See'sCandies27356488尖沙嘴海運大廈211號舖
（f） Leonidas23177448尖沙嘴海港城海洋中心三樓336號店
（g） Great29189986金鐘太古廣場2期地庫
（h） teuscher25285268尖沙嘴海港城三樓（近city'super）