自從六年前患上膀胱癌開始，開叔便沒有一天好日子過。「呢幾年唔係呢度唔妥就嗰度唔妥，又做手術又電療，搞到𠵱家得番半條人命，好辛苦。」臉色蒼白的開叔說。
六十二歲的開叔，任職三行工人，年輕時曾患過肺積水。九九年，開叔被證實患上膀胱癌，醫生替其切除整個膀胱，現他靠腹部的造口排泄尿液。
年前，開叔剝牙時又因細菌感染導致呼吸困難，幾乎喪命。「我當時完全透唔到氣，醫生即時幫我喺喉嚨開窿透氣先保住條命。」
開叔多次逃過鬼門關，詎料去年發現癌症復發。「上年開始，我腰骨同胸口成日覺得赤赤痛，醫生話我癌細胞擴散到盆骨同肺，幫我做過十次電療，但都冇乜用，𠵱家佢哋只係畀止痛藥我食。」開叔無奈地說。
開叔在朋友介紹下，近月開始服用中藥調理身體，效果不錯，但龐大的中藥開支，對他造成沉重負擔。「之前我行唔到，好辛苦；但食咗中藥之後，我覺得舒服好多，不過每日藥費差不多要一百蚊，我負擔唔起。」
獨身的開叔病後靠綜援金生活，近月為了治病，他花了不少錢，因此拖欠房屋署兩個月租金。「房屋署已經發咗警告信畀我，要我盡快交租，唔係就要搬走，我都唔知點算。」蘋果日報慈善基金有見開叔苦況，已撥款三千元，助他繳付兩個月欠租。
捐款編號︰C1655
暖流熱線
電話：29908688
傳真：23702192
電郵：[email protected]
網址： http://www.charity.atnext.com